امریکہ سوڈان کے "تعاون کے اعتراف” میں پابندیاں اٹھا رہا ہے

خرطوم کا ریاض کے کردار کا اعتراف – اور خادم حرمین کی بشیر کو مبارکباد

لندن: عيدروس عبد العزيز- رياض: "الشرق الاوسط”

خادم حرمین شریفین شاہ سلمان بن عبد العزیز نے ریاست ہائے متحدہ امریکہ کی طرف سے سوڈان پر سے پابندیاں اٹھانے پر سوڈانی صدر عمر بشیر کو مبارکباد دی، اس کے جواب میں صدر بشیر نے اس معاملہ میں سعودی عرب کے کردار کی تعریف کی۔ کل امریکی صدر باراک اوباما نے سوڈان کی جانب سے انسداد دہشت گردی میں تعاون کا اعتراف کرتے ہوئے اس پر سنہ 1997 سے عائد کردہ پابندیوں میں سے جزوی معاشی پابندیاں اٹھانے کی قرار داد منظور کی۔

سوڈانی حکومت نے ریاست ہائے متحدہ امریکہ کے ساتھ تعاون اور بات چیت کو جاری رکھنے اور دونوں ملکوں کے مابین تعلقات کو معمول پر لانے میں حائل رکاوٹوں پر قابو پانے کا عہد کیا۔ جمہوریہ میں ایوان صدر کے وزیر مملکت طہ عثمان الحسین نے "الشرق الاوسط” کو بیان دیتے ہوئے اس بات پر زور دیا کہ بعض معاشی پابندیاں ختم کئے جانے کا فیصلہ سعودی عرب کے ولی عہد کے ولی عہد شہزادہ محمد بن سلمان کی کوششوں کا نتیجہ ہے۔ انہوں نے اس جانب اشارہ کیا کہ جن جزو جس سے پابندیاں اٹھائی گئی ہیں وہ پابندیوں کی فہرست میں سب سے اہم ترین شقیں شمار ہوتی ہیں، یہ مالی پہلوؤں اور سوڈان میں پیسہ آنے اور باہر بھیجنے سے متعلق ہیں۔ انہوں نے مزید کہا کہ "اس میں سعودی عرب کا کردار اہم ترین رہا اگر سعودیہ نہ ہوتا تو ایسا ممکن نہ تھا”، انہوں نے کہا "پابندیوں کا مسئلہ سالوں سے زیرالتوا تھا اور سعودیہ سے ہمارے تعلقات بہتر ہونے سے قبل اسے کوئی اہمیت یا اس پر غور نہیں تھا”۔ وزیر نے کہا کہ سعودی عرب اور امارات کے ذمے داران نے اس فائل کے حل کی خاطر اس کے اقدامات کی پیروی کرتے ہوئے اہم کردا ادا کرتے کیا۔

دوسری جانب، سوڈانی وزیر نے کہا کہ صدر بشیر بیماری کے بعد شفایاب ہو کر اب مکمل طور پر صحت مند ہیں۔