سعودی عرب کی طرف سے حج کی کامیابی کا اعلان

مشاعر مقدسہ: ابراہیم القرشی، محمد العائض اور سعید الابیض

کل سعودی عرب نے سرکاری طور پر اس سال حج کے کامیاب ہونے اور بیماری سے پاک ہونے کا اعلان کیا ہے اور مکہ مکرمہ کے امیر شہزادہ خالد فیصل نے انکشاف کیا ہے کہ اس سال ایرانی حاجیوں کی تعداد 86 ہزار پہنچ چکی ہے اور انہوں اپنے افسوس کا اظہار کرتے ہوئے کہا کہ قطر کی حکومت نے حج کی ادائیگی کے لئے پاک سرزمین میں حاضری سے اپنے حاجیوں کو منع کر دیا تھا جبکہ ان کا ملک قطر کے حاجیوں کا استقبال کرنے کے لئے تیار تھا اور انہوں نے بعض ذرائع ابلاغ کی طرف سے ذکر کردہ اس بات کی مذمت کی ہے کہ سعودی عرب نے قطر کے حاجیوں کو منع کر دیا ہے اور کہا کہ اس طرح کی خبریں ہم پر اثر انداز نہیں ہوں گی اور سعودی عرب نے ایک سے زائد مرتبہ اس بات کا اعلان کیا ہے کہ وہ دنیا کے کسی بھی ملک کے حاجیوں کا استقبال کرنے کے لئے مستعد ہے۔

فیصل نے کل منی میں منعقدہ آخری پریس کانفرنس کے دوران اس بات کی طرف اشارہ کیا کہ خادم حرمین شریفین نے اس معاملہ میں خود حصہ لیا ہے اور انہوں نے پرزور انداز میں کہا کہ اگر قطر اجازت دے تو وہ حج کی ادائگی کے مقصد سے اپنے حاجیوں کے لئے جہاز روانہ کر سکتا ہے لیکن بڑے افسوس کی بات ہے کہ قطر حکومت نے اپنے حاجیوں کو حاضر ہونے سے منع کر دیا اور ہم ان نے لوگوں کا پرجوش استقبال کیا ہے جو سعودی عرب پہنچ سکے ہیں۔

دوسری طرف سعودی وزیر صحت ڈاکٹر توفیق الربیعہ نے کہا کہ عام صحت پر اثر انداز ہونے والا کسی قسم کے واقعہ کا ریکارڈ نہیں ملا ہے اور انہون نے مزید کہا کہ حاجیوں کے لئے 615 دل کا آپریشن، 2056 گردے کی صفائی کے سیشن اور 181 گیس پریشانی کے سلسلہ میں کاروائی کی گئی ہے۔

جمعہ – 12 ذی الحجہ 1439 ہجری – 24 اگست 2018ء شمارہ نمبر (14514)