عراق میں خون خرابے … بد عنوانی کے خلاف بغاوت

بغداد: فاضل النشمی

گذشتہ روز بغداد اور وسطی اور جنوبی عراق کے بقیہ صوبوے ان مظاہرین کے مابین نئی محاذ آرائیوں کے میدانوں میں تبدیل ہوگئے، جو حکومت سے استعفیٰ دینے کا مطالبہ اور بین الاقوامی برادری کے زیراہتمام منصفانہ انتخابات کی تیاری کے لئے عبوری حکومت تشکیل دینے کا مطالبہ کررہے تھے ، اورسیکیورٹی فورسز جس نے ان مظاہرین کو منتشر کرنے کے لئے آنسو گیس اور براہ راست گولیوں اور ربڑ کا استعمال کیا ، جس کے نتیجے میں انسانی حقوق کے ہائی کمشنر کے دفتر کے مطابق 27 سے زیادہ افراد ہلاک ہوگئے۔ اور 1،800 زخمی ہوگئے ۔ بغداد میں مظاہرین نے "گرین زون”، جہاں سرکاری ہیڈکوارٹر واقع ہے، پر حملہ کرنے کے لئے متعدد بار کوششیں کیں ، لیکن سیکیورٹی فورسز انھیں روکنے میں کامیاب رہی، جبکہ اس دوران آٹھ مظاہرین جاں بحق ہوگئے۔ حکومت اور پارٹی ہیڈ کوارٹرز اور مسلح جماعتوں کے خلاف آتش زنی کے سب سے بڑے واقعات ناصریہ (بغداد سے 280 کلومیٹر جنوب مغرب) میں پیش آئے ، جہاں ” الحشد الشعبی” کے سب سے بڑی جماعتوں میں سے ایک ، اور” عصائب اہل الحق” کے صدر دفتر پر حملہ کرنے کی کوشش میں چار مظاہرین ہلاک ہوگئے۔ (…)(ہفتہ 27  صفر 1441 ہجرى/ 26  اکتوبر 2019ء شماره نمبر 14913)