پوتن نے کی سعودی عرب کے ساتھ گہرے تعلقات کی تصدیق

ریاض: فتح الرحمن یوسف – لندن: ” الشرق الاوسط”

روسی صدر ولادیمیر پوتن نے سعودی عرب کے ساتھ گہرے تعلقات کی تصدیق کی ہے ، جہاں وہ کل ایک تاریخی دورہ کریں گے۔ "العربیہ”, "اسکائی نیوز عربیہ”، اور ” آج کا روس” چینلز کے ساتھ مشترکہ ٹیلی ویژن انٹرویو کے دوران ، صدر پوتن نے سعودی عرب اور روس کے درمیان دیرینہ تاریخی تعلقات اور ان کو ترقی دینے کی جستجو کی تعریف کی۔ انہوں نے کہا ، "ہم سعودی عرب کو ایک دوست ملک کی حیثیت سے دیکھتے ہیں۔ بادشاہ کے ساتھ ساتھ ولی عہد شہزادہ کے ساتھ بھی میرے اچھے تعلقات استوار ہیں۔اور ہمارے تعلقات عملی طور پر ہر سمت ترقی پذیر ہیں”۔ اسی طرح صدر پوتن نے سعودی ارامکو کمپنی کی تیل فیکٹریوں پر ہوۓ دہشت گردانہ حملے کی ازسرنو مذمت بھی کی ۔(…)(اتوار  14  صفر 1441 ہجرى/ 13  اکتوبر 2019ء شماره نمبر 14913)